Phẩm Hình Phạt

Sabbe tasanti daṇḍassa,

sabbe bhāyanti maccuno;

Attānaṁ upamaṁ katvā,

na haneyya na ghātaye.

Chabbaggiyavatthu

Sabbe tasanti daṇḍassa,

sabbesaṁ jīvitaṁ piyaṁ;

Attānaṁ upamaṁ katvā,

na haneyya na ghātaye.

Sambahulakumārakavatthu

Sukhakāmāni bhūtāni,

yo daṇḍena vihiṁsati;

Attano sukhamesāno,

pecca so na labhate sukhaṁ.

Sukhakāmāni bhūtāni,

yo daṇḍena na hiṁsati;

Attano sukhamesāno,

pecca so labhate sukhaṁ.

Koṇḍadhānattheravatthu

Māvoca pharusaṁ kañci,

vuttā paṭivadeyyu taṁ;

Dukkhā hi sārambhakathā,

paṭidaṇḍā phuseyyu taṁ.

Sace neresi attānaṁ,

kaṁso upahato yathā;

Esa pattosi nibbānaṁ,

sārambho te na vijjati.

Uposathikaitthīnaṁvatthu

Yathā daṇḍena gopālo,

gāvo pājeti gocaraṁ;

Evaṁ jarā ca maccu ca,

āyuṁ pājenti pāṇinaṁ.

Ajagarapetavatthu

Atha pāpāni kammāni,

karaṁ bālo na bujjhati;

Sehi kammehi dummedho,

aggidaḍḍhova tappati.

Mahāmoggallānattheravatthu

Yo daṇḍena adaṇḍesu,

appaduṭṭhesu dussati;

Dasannamaññataraṁ ṭhānaṁ,

khippameva nigacchati.

Vedanaṁ pharusaṁ jāniṁ,

sarīrassa va bhedanaṁ;

Garukaṁ vāpi ābādhaṁ,

cittakkhepaṁ va pāpuṇe.

Rājato vā upasaggaṁ,

Abbhakkhānaṁ va dāruṇaṁ;

Parikkhayaṁ va ñātīnaṁ,

Bhogānaṁ va pabhaṅguraṁ.

Atha vāssa agārāni,

aggi ḍahati pāvako;

Kāyassa bhedā duppañño,

nirayaṁ sopapajjati.

Bahubhaṇḍikabhikkhuvatthu

Na naggacariyā na jaṭā na paṅkā,

Nānāsakā thaṇḍilasāyikā vā;

Rajojallaṁ ukkuṭikappadhānaṁ,

Sodhenti maccaṁ avitiṇṇakaṅkhaṁ.

Santatimahāmattavatthu

Alaṅkato cepi samaṁ careyya,

Santo danto niyato brahmacārī;

Sabbesu bhūtesu nidhāya daṇḍaṁ,

So brāhmaṇo so samaṇo sa bhikkhu.

Pilotikatissattheravatthu

Hirīnisedho puriso,

koci lokasmi vijjati;

Yo niddaṁ apabodheti,

asso bhadro kasāmiva.

Asso yathā bhadro kasāniviṭṭho,

Ātāpino saṁvegino bhavātha;

Saddhāya sīlena ca vīriyena ca,

Samādhinā dhammavinicchayena ca;

Sampannavijjācaraṇā patissatā,

Jahissatha dukkhamidaṁ anappakaṁ.

Sukhasāmaṇeravatthu

Udakañhi nayanti nettikā,

Usukārā namayanti tejanaṁ;

Dāruṁ namayanti tacchakā,

Attānaṁ damayanti subbatā.

Daṇḍavaggo dasamo.

SC 129All tremble at a thrashing.
All fear death.
Likening others to oneself,
Do not kill or lead another to kill.

SC 130All tremble at a thrashing.
All hold life dear.
Likening others to oneself,
Do not kill or lead another to kill.

SC 131One who himself seeks happiness,
And yet hurts others who desire happiness,
Will realize no happiness after death.

SC 132One who himself seeks happiness,
And does not hurt others who desire happiness,
Will realize happiness after death.

SC 133To none speak harshly.
Those spoken to would respond in kind.
Contentious speech is painful;
Retaliation would befall you.

SC 134If, like a broken gong,
You yourself are unstirred,
You have attained Nibbāna,
And no contention exists within.

SC 135Just as a cowherd drives a cow to pasture with a stick,
So old age and death drive the life of sentient beings.

SC 136A fool does not recognize his own evil act.
Devoid of wisdom, he is tormented by his actions,
As one burned by fire.

SC 137One who does violence to the innocent and
peaceable
Will quickly encounter one of ten states:

SC 138Intense pain, destitution, bodily injury, disease of
body, disease of mind,

SC 139Oppression from the king, cruel slander, loss of
relatives, loss of wealth,

SC 140Loss of houses by fire;
And after death, such a one, so devoid of wisdom,
will be reborn in hell.

SC 141Neither nakedness nor matted hair,
Neither a mud-smeared body nor fasting,
Neither lying on the ground, nor dust and sweat,
Nor sitting on one’s heels,
Can purify one who has not overcome doubt.

SC 142Even if one would walk around luxuriously attired,
If one is tranquil, tame, self-restrained, and living a
holy life,
Having renounced violence toward any living being,
Such is a brahmin, a renunciant, a monk.

SC 143Where in this world exists
One who is restrained by conscience and avoids
blame,
As a good horse avoids the whip?

SC 144Be like a good horse when touched by the whip—
ardent and alarmed.
Through strength, virtue, and vigor,
Through concentration and investigation of truth,
Mindful and possessed of right knowledge and
conduct,
You will leave this great suffering behind.

SC 145Irrigators guide water;
Fletchers straighten shafts;
Carpenters bend wood;
The well-practiced master themselves.