Phẩm Bà-la-môn

Chinda sotaṁ parakkamma,

kāme panuda brāhmaṇa;

Saṅkhārānaṁ khayaṁ ñatvā,

akataññūsi brāhmaṇa.

Sambahulabhikkhuvatthu

Yadā dvayesu dhammesu,

pāragū hoti brāhmaṇo;

Athassa sabbe saṁyogā,

atthaṁ gacchanti jānato.

Māravatthu

Yassa pāraṁ apāraṁ vā,

pārāpāraṁ na vijjati;

Vītaddaraṁ visaṁyuttaṁ,

tamahaṁ brūmi brāhmaṇaṁ.

Aññatarabrāhmaṇavatthu

Jhāyiṁ virajamāsīnaṁ,

katakiccamanāsavaṁ;

Uttamatthamanuppattaṁ,

tamahaṁ brūmi brāhmaṇaṁ.

Ānandattheravatthu

Divā tapati ādicco,

rattimābhāti candimā;

Sannaddho khattiyo tapati,

jhāyī tapati brāhmaṇo;

Atha sabbamahorattiṁ,

buddho tapati tejasā.

Aññatarabrāhmaṇapabbajitavatthu

Bāhitapāpoti brāhmaṇo,

Samacariyā samaṇoti vuccati;

Pabbājayamattano malaṁ,

Tasmā “pabbajito”ti vuccati.

Sāriputtattheravatthu

Na brāhmaṇassa pahareyya,

nāssa muñcetha brāhmaṇo;

Dhī brāhmaṇassa hantāraṁ,

tato dhī yassa muñcati.

Na brāhmaṇassetadakiñci seyyo,

Yadā nisedho manaso piyehi;

Yato yato hiṁsamano nivattati,

Tato tato sammatimeva dukkhaṁ.

Mahāpajāpatigotamīvatthu

Yassa kāyena vācāya,

manasā natthi dukkaṭaṁ;

Saṁvutaṁ tīhi ṭhānehi,

tamahaṁ brūmi brāhmaṇaṁ.

Sāriputtattheravatthu

Yamhā dhammaṁ vijāneyya,

sammāsambuddhadesitaṁ;

Sakkaccaṁ taṁ namasseyya,

aggihuttaṁva brāhmaṇo.

Jaṭilabrāhmaṇavatthu

Na jaṭāhi na gottena,

na jaccā hoti brāhmaṇo;

Yamhi saccañca dhammo ca,

so sucī so ca brāhmaṇo.

Kuhakabrāhmaṇavatthu

Kiṁ te jaṭāhi dummedha,

kiṁ te ajinasāṭiyā;

Abbhantaraṁ te gahanaṁ,

bāhiraṁ parimajjasi.

Kisāgotamīvatthu

Paṁsukūladharaṁ jantuṁ,

kisaṁ dhamanisanthataṁ;

Ekaṁ vanasmiṁ jhāyantaṁ,

tamahaṁ brūmi brāhmaṇaṁ.

Ekabrāhmaṇavatthu

Na cāhaṁ brāhmaṇaṁ brūmi,

yonijaṁ mattisambhavaṁ;

Bhovādi nāma so hoti,

sace hoti sakiñcano;

Akiñcanaṁ anādānaṁ,

tamahaṁ brūmi brāhmaṇaṁ.

Uggasenaseṭṭhiputtavatthu

Sabbasaṁyojanaṁ chetvā,

yo ve na paritassati;

Saṅgātigaṁ visaṁyuttaṁ,

tamahaṁ brūmi brāhmaṇaṁ.

Dvebrāhmaṇavatthu

Chetvā naddhiṁ varattañca,

sandānaṁ sahanukkamaṁ;

Ukkhittapalighaṁ buddhaṁ,

tamahaṁ brūmi brāhmaṇaṁ.

Akkosakabhāradvājavatthu

Akkosaṁ vadhabandhañca,

aduṭṭho yo titikkhati;

Khantībalaṁ balānīkaṁ,

tamahaṁ brūmi brāhmaṇaṁ.

Sāriputtattheravatthu

Akkodhanaṁ vatavantaṁ,

sīlavantaṁ anussadaṁ;

Dantaṁ antimasārīraṁ,

tamahaṁ brūmi brāhmaṇaṁ.

Uppalavaṇṇāttherīvatthu

Vāri pokkharapatteva,

āraggeriva sāsapo;

Yo na limpati kāmesu,

tamahaṁ brūmi brāhmaṇaṁ.

Aññatarabrāhmaṇavatthu

Yo dukkhassa pajānāti,

idheva khayamattano;

Pannabhāraṁ visaṁyuttaṁ,

tamahaṁ brūmi brāhmaṇaṁ.

Khemābhikkhunīvatthu

Gambhīrapaññaṁ medhāviṁ,

maggāmaggassa kovidaṁ;

Uttamatthamanuppattaṁ,

tamahaṁ brūmi brāhmaṇaṁ.

Pabbhāravāsitissattheravatthu

Asaṁsaṭṭhaṁ gahaṭṭhehi,

anāgārehi cūbhayaṁ;

Anokasārimappicchaṁ,

tamahaṁ brūmi brāhmaṇaṁ.

Aññatarabhikkhuvatthu

Nidhāya daṇḍaṁ bhūtesu,

tasesu thāvaresu ca;

Yo na hanti na ghāteti,

tamahaṁ brūmi brāhmaṇaṁ.

Sāmaṇerānaṁvatthu

Aviruddhaṁ viruddhesu,

attadaṇḍesu nibbutaṁ;

Sādānesu anādānaṁ,

tamahaṁ brūmi brāhmaṇaṁ.

Mahāpanthakattheravatthu

Yassa rāgo ca doso ca,

māno makkho ca pātito;

Sāsaporiva āraggā,

tamahaṁ brūmi brāhmaṇaṁ.

Pilindavacchattheravatthu

Akakkasaṁ viññāpaniṁ,

giraṁ saccamudīraye;

Yāya nābhisaje kañci,

tamahaṁ brūmi brāhmaṇaṁ.

Aññatarattheravatthu

Yodha dīghaṁ va rassaṁ vā,

aṇuṁ thūlaṁ subhāsubhaṁ;

Loke adinnaṁ nādiyati,

tamahaṁ brūmi brāhmaṇaṁ.

Sāriputtattheravatthu

Āsā yassa na vijjanti,

asmiṁ loke paramhi ca;

Nirāsāsaṁ visaṁyuttaṁ,

tamahaṁ brūmi brāhmaṇaṁ.

Mahāmoggallānattheravatthu

Yassālayā na vijjanti,

aññāya akathaṅkathī;

Amatogadhamanuppattaṁ,

tamahaṁ brūmi brāhmaṇaṁ.

Revatattheravatthu

Yodha puññañca pāpañca,

ubho saṅgamupaccagā;

Asokaṁ virajaṁ suddhaṁ,

tamahaṁ brūmi brāhmaṇaṁ.

Candābhattheravatthu

Candaṁva vimalaṁ suddhaṁ,

vippasannamanāvilaṁ;

Nandībhavaparikkhīṇaṁ,

tamahaṁ brūmi brāhmaṇaṁ.

Sīvalittheravatthu

Yomaṁ palipathaṁ duggaṁ,

saṁsāraṁ mohamaccagā;

Tiṇṇo pāraṅgato jhāyī,

anejo akathaṅkathī;

Anupādāya nibbuto,

tamahaṁ brūmi brāhmaṇaṁ.

Sundarasamuddattheravatthu

Yodha kāme pahantvāna,

anāgāro paribbaje;

Kāmabhavaparikkhīṇaṁ,

tamahaṁ brūmi brāhmaṇaṁ.

Jaṭilattheravatthu

Yodha taṇhaṁ pahantvāna,

anāgāro paribbaje;

Taṇhābhavaparikkhīṇaṁ,

tamahaṁ brūmi brāhmaṇaṁ.

Jotikattheravatthu

Yodha taṇhaṁ pahantvāna,

anāgāro paribbaje;

Taṇhābhavaparikkhīṇaṁ,

tamahaṁ brūmi brāhmaṇaṁ.

Naṭaputtakattheravatthu

Hitvā mānusakaṁ yogaṁ,

dibbaṁ yogaṁ upaccagā;

Sabbayogavisaṁyuttaṁ,

tamahaṁ brūmi brāhmaṇaṁ.

Naṭaputtakattheravatthu

Hitvā ratiñca aratiñca,

sītibhūtaṁ nirūpadhiṁ;

Sabbalokābhibhuṁ vīraṁ,

tamahaṁ brūmi brāhmaṇaṁ.

Vaṅgīsattheravatthu

Cutiṁ yo vedi sattānaṁ,

upapattiñca sabbaso;

Asattaṁ sugataṁ buddhaṁ,

tamahaṁ brūmi brāhmaṇaṁ.

Yassa gatiṁ na jānanti,

devā gandhabbamānusā;

Khīṇāsavaṁ arahantaṁ,

tamahaṁ brūmi brāhmaṇaṁ.

Dhammadinnāttherīvatthu

Yassa pure ca pacchā ca,

majjhe ca natthi kiñcanaṁ;

Akiñcanaṁ anādānaṁ,

tamahaṁ brūmi brāhmaṇaṁ.

Aṅgulimālattheravatthu

Usabhaṁ pavaraṁ vīraṁ,

mahesiṁ vijitāvinaṁ;

Anejaṁ nhātakaṁ buddhaṁ,

tamahaṁ brūmi brāhmaṇaṁ.

Devahitabrāhmaṇavatthu

Pubbenivāsaṁ yo vedi,

saggāpāyañca passati;

Atho jātikkhayaṁ patto,

abhiññāvosito muni;

Sabbavositavosānaṁ,

tamahaṁ brūmi brāhmaṇaṁ.

Brāhmaṇavaggo chabbīsatimo.

Ettāvatā sabbapaṭhame yamakavagge cuddasa vatthūni, appamādavagge nava, cittavagge nava, pupphavagge dvādasa, bālavagge pannarasa, paṇḍitavagge ekādasa, arahantavagge dasa, sahassavagge cuddasa, pāpavagge dvādasa, daṇḍavagge ekādasa, jarāvagge nava, attavagge dasa, lokavagge ekādasa, buddhavagge nava, sukhavagge aṭṭha, piyavagge nava, kodhavagge aṭṭha, malavagge dvādasa, dhammaṭṭhavagge dasa, maggavagge dvādasa, pakiṇṇakavagge nava, nirayavagge nava, nāgavagge aṭṭha, taṇhāvagge dvādasa, bhikkhuvagge dvādasa, brāhmaṇavagge cattālīsāti pañcādhikāni tīṇi vatthusatāni.

Satevīsacatussatā,

catusaccavibhāvinā;

Satattayañca vatthūnaṁ,

pañcādhikaṁ samuṭṭhitāti.

Dhammapade vaggānamuddānaṁ

Yamakappamādo cittaṁ,

pupphaṁ bālena paṇḍito;

Arahanto sahassañca,

pāpaṁ daṇḍena te dasa.

Jarā attā ca loko ca,

buddho sukhaṁ piyena ca;

Kodho malañca dhammaṭṭho,

maggavaggena vīsati.

Pakiṇṇaṁ nirayo nāgo,

taṇhā bhikkhu ca brāhmaṇo;

Ete chabbīsati vaggā,

desitādiccabandhunā.

Gāthānamuddānaṁ

Yamake vīsati gāthā,

appamādamhi dvādasa;

Ekādasa cittavagge,

pupphavaggamhi soḷasa.

Bāle ca soḷasa gāthā,

paṇḍitamhi catuddasa;

Arahante dasa gāthā,

sahasse honti soḷasa.

Terasa pāpavaggamhi,

daṇḍamhi dasa satta ca;

Ekādasa jarā vagge,

attavaggamhi tā dasa.

Dvādasa lokavaggamhi,

buddhavaggamhi ṭhārasa;

Sukhe ca piyavagge ca,

gāthāyo honti dvādasa.

Cuddasa kodhavaggamhi,

malavaggekavīsati;

Sattarasa ca dhammaṭṭhe,

maggavagge sattarasa.

Pakiṇṇe soḷasa gāthā,

niraye nāge ca cuddasa;

Chabbīsa taṇhāvaggamhi,

tevīsa bhikkhuvaggikā.

Ekatālīsagāthāyo,

brāhmaṇe vaggamuttame;

Gāthāsatāni cattāri,

tevīsa ca punāpare;

Dhammapade nipātamhi,

desitādiccabandhunāti.

Dhammapadapāḷi samattā.

SC 383Strive, cut off the stream, O brahmin,
And drive out sensual craving.
Knowing the dissolution of conditioned things,
You, O brahmin, are a knower of the Uncreated.

SC 384When the brahmin has gone to the other shore
By the twofold practice (of serenity and insight), Then that sage’s every fetter falls away.

SC 385The one who is untroubled and beyond fear,
For whom there exists neither this nor the other
shore,
Nor both this and the other shore:
That one I proclaim a brahmin.

SC 386The pure one who sits absorbed in meditation,
Who has done what ought to be done,
Who is without toxins, having obtained the highest
attainment:
That one I proclaim a brahmin.

SC 387The sun shines by day, the moon by night;
In armor shines the warrior, in meditation the
brahmin.
But all day and night the Buddha shines in splendor.

SC 388One who has warded off evil is a brahmin.
One who lives in tranquility is a renunciant.
One who has driven out one’s own impurities
Is called gone forth.

SC 389Strike not a brahmin,
Nor should a brahmin give way to anger.
Shame on those who would strike a brahmin,
And greater shame on the brahmin who gives way
to anger.

SC 390For the brahmin, there is nothing better
Than restraining his mind from what it cherishes.
Whenever he turns away from the desire to harm,
He thereby appeases suffering.

SC 391The one who does no wrong in body, speech, and
mind,
Who is restrained in these three ways:
That one I proclaim a brahmin.

SC 392You should venerate your teacher by whom
You learned the true Dhamma,
Taught by the Perfectly Awakened One,
Like a brahmin venerates the sacrificial fire.

SC 393Neither by matted hair, nor ancestry, nor birth is
one a brahmin.
The brahmin is the one with whom there is the
truth, purity, and the Dhamma.

SC 394What of your matted hair, O fool?
What of your deerskin clothes?
You are a tangled thicket within,
Yet you groom the exterior!

SC 395The one wearing rags from a dust heap,
Emaciated, with veins exposed,
Alone in the forest, absorbed in meditation:
That one I proclaim a brahmin.

SC 396I do not proclaim a brahmin
Simply by being born of the womb, sprung from a
mother.
If he possesses something he is only called self-
important.
The one who has nothing, who is free from clinging:
That one I proclaim a brahmin.

SC 397The one who has overcome clinging and cut off
every fetter,
Who has overcome clinging and trembles not;
One unbound:
That one I proclaim a brahmin.

SC 398The one awakened,
Having cut off strap and thong,
The cord together with the bridle,
Having lifted the crossbar:
That one I proclaim a brahmin.

SC 399The one who endures insult, binding and beating
without anger,
Whose strength is forbearance, an army’s strength:
That one I proclaim a brahmin.

SC 400The one who is free of anger, who observes the
practice,
Who is virtuous, restrained, and humble,
Who is in the final body:
That one I proclaim a brahmin.

SC 401The one who is unsmeared by sensual craving,
Like water on a lotus leaf,
The one who is like a mustard seed on the point of an
awl:
That one I proclaim a brahmin.

SC 402The one who realizes the dissolution of suffering,
Who has laid down the burden,
Who is unbound:
That one I proclaim a brahmin.

SC 403The one endowed with intelligence and deep
knowledge,
Who knows what is and is not the path,
Who has attained the highest goal:
That one I proclaim a brahmin.

SC 404The one who is not given to society with
householders or monks,
Who is homeless and wants little:
That one I proclaim a brahmin.

SC 405The one who has set down the rod
Toward both the trembling and the firm,
Who does not kill or cause another to kill:
That one I proclaim a brahmin.

SC 406The one unhindered among the obstructed,
Cool among those who take up the rod,
Free from clinging among the attached:
That one I proclaim a brahmin.

SC 407The one who has made passion, ill will,
Conceit, and hypocrisy all fall away,
The one who is like a mustard seed on the point of an
awl:
That one I proclaim a brahmin.

SC 408The one who would utter words that are true,
Instructive, and gentle;
Words that would anger no one:
That one I proclaim a brahmin.

SC 409The one who does not take what is not given here
in the world,
Be it long or short, small or large, beautiful or ugly:
That one I proclaim a brahmin.

SC 410The one whose hopes are found
Neither in this world nor the next,
Who is independent, unyoked:
That one I proclaim a brahmin.

SC 411The one without attachments,
Who by knowing is without doubts,
Who has attained immersion into the Deathless:
That one I proclaim a brahmin.

SC 412The one who clings not to merit or demerit,
Who is free from sorrow, is dustless and pure:
That one I proclaim a brahmin.

SC 413The one who is like the moon,
Spotless, pure, unsullied, perfectly clear,
For whom the delight for becoming is exhausted:
That one I proclaim a brahmin.

SC 414The one who has transcended this mire,
This bad road, this wandering, and delusion,
Who has crossed to the other shore, emancipated,
Who meditates, free from craving, clinging, and
doubt:
That one I proclaim a brahmin.

SC 415The one, having renounced sensual desires,
Would wander about homeless,
His passions and becoming destroyed:
That one I proclaim a brahmin.

SC 416The one, having renounced craving,
Would wander about homeless,
His craving and becoming destroyed:
That one I proclaim a brahmin.

SC 417The one who, having abandoned the human bond
And transcended the divine one,
Who is indeed released from all bonds:
That one I proclaim a brahmin.

SC 418One who, having left behind attraction and
aversion,
Being tranquil, without attachments,
A hero, overcoming the whole world:
That one I proclaim a brahmin.

SC 419The one who has realized the dissipation and arising
of beings,
Who is unattached, well-gone, awakened:
That one I proclaim a brahmin.

SC 420The one whose course gods, divine musicians,
And humans do not know,
Whose toxins are destroyed, an arahant:
That one I proclaim a brahmin.

SC 421The one for whom there is nothing in front,
Behind, and in between,
Who, having nothing, is free from clinging:
That one I proclaim a brahmin.

SC 422The excellent one who is a bull, a hero,
A great sage, a conqueror, free of craving,
The one who has taken the (ritual) bath,
Who is now awake:
That one I proclaim a brahmin.

SC 423The one who knows his former lives,
And sees the heavens and hells,
Who has attained the end of birth,
And obtained the higher knowledge,
The sage who has achieved all accomplishments:
That one I proclaim a brahmin.