Sống An Lạc

Vuttañhetaṁ bhagavatā vuttamarahatāti me sutaṁ:

“Dvīhi, bhikkhave, dhammehi samannāgato bhikkhu diṭṭheva dhamme sukhaṁ viharati avighātaṁ anupāyāsaṁ apariḷāhaṁ;

kāyassa bhedā paraṁ maraṇā sugati pāṭikaṅkhā.

Katamehi dvīhi?

Indriyesu guttadvāratāya ca, bhojane mattaññutāya ca.

Imehi kho, bhikkhave, dvīhi dhammehi samannāgato bhikkhu diṭṭheva dhamme sukhaṁ viharati avighātaṁ anupāyāsaṁ apariḷāhaṁ;

kāyassa bhedā paraṁ maraṇā sugati pāṭikaṅkhā”ti.

Etamatthaṁ bhagavā avoca.

Tatthetaṁ iti vuccati:

“Cakkhu sotañca ghānañca,

jivhā kāyo tathā mano;

Etāni yassa dvārāni,

suguttāni ca bhikkhuno.

Bhojanamhi ca mattaññū,

indriyesu ca saṁvuto;

Kāyasukhaṁ cetosukhaṁ,

sukhaṁ so adhigacchati.

Aḍayhamānena kāyena,

Aḍayhamānena cetasā;

Divā vā yadi vā rattiṁ,

Sukhaṁ viharati tādiso”ti.

Ayampi attho vutto bhagavatā, iti me sutanti.

Dutiyaṁ.

This was said by the Lord…

“Bhikkhus, possessed of two things a bhikkhu lives in comfort here and now, not bringing upon himself vexation, trouble, and distress, and when the body perishes after death a good bourn is to be expected. What are the two? Being guarded regarding the doors of the senses and being moderate in eating. These are the two…”

The eye, ear, nose, tongue,
Body and likewise the mind—
A bhikkhu who has these doors
Well guarded here,

Moderate in eating,
Of controlled senses,
Experiences happiness
Both bodily and mental.

Not tormented by body,
Nor tormented by mind,
Such a one lives in comfort
Both by day and by night.